ملح على جرح



بعض البشر غصة فى القلب وبعضهم بسمة على الشفاة وسبحان من جعل بعضهم يمحو أثر بعضهم
***************************
لا يوجد شئ صحيح في المطلق فقد تأتيك الحكمة تجري علي آلسنه السفهاء بينما تضل طريقها في منطوق العلماء
***************************
اعجب العجب لمن يعلم انك وهبته وتهبه وستهبه
دوما كل اسباب الحياة ان يحرمك من ذلك بدم بارد
***************************
المشكلة ان طعنتك القاتلة لم توجه الا للقلب الوحيد
الذي كان يحمل لك كل نصيبك من الود الصادق علي ظهر هذا الكوكب
***************************
التعالي والغرور والكبر والإفتتان بالذات والرأي كلها امراض خبيثة عضال تصيب القلب فتحدث به ثقوبا سوداء يتسرب منها السماحة والعرفان والوفاء والعدل
***************************
اذا اردت التوبة بصدق طهر قلبك اولا من الغل و الكبر واستشعر دبيب الرحمة بداخلك ورد مظالم الناس عندك وتخفف من حقوقهم عليك وان لم تستطع فاطلب منهم العفو بصدق حتي يفعلوا اما اذا استكبرت فعل ذلك فاعلم ان قلبك لم يطهر بعد
***************************
كفا بك شرفا ان تعاقب دائما علي إخلاصك ورؤيتك العابرة وتعاطفك مع آلام الناس واهتمامك الجم بهم واصرارك العجيب على اصلاح ما لايرجى صلاحه
***************************
وقت تعاظم المحن وشيوع الإحباط عندما يسود الرويبضة ويتراجع الأخيار يصبح لكل بصيص امل تزرعه في نفوس اليائسين ثواب الف شهيد
***************************
قد تعتقد انك فوق الجميع واغني الناس عن الجميع حسنا ستخبرك الايام علي مهل ان قلب واحدا مخلصا يراعك بصدق سيرجح عندك بكل ماتعده من انجازات وانتصارات ومكانه
***************************
قد تظنه إبتلاء وهو نجاة من بلاء
***************************
البصيرة نعمه يحرم منها كل من تضخمت ذاتة
***************************
أصفياء النوايا هم اكثر الناس معرفة بقدرة المولي عز وجل علي تعويضهم العوض الكامل عن إختيارتهم السيئة
***************************
حينما تبخل بأهتمامك على من يستحق فكن واثقا انه سيأتى يوما ستستجدى فيه الاهتمام ممن لايستحق
***************************
البشر اوطي بكتير من انهم يفتكرولك يوم جيت فيه علي نفسك علشان خاطرهم فماتحرقش دمك علشانهم لأنهم اول ماتخلص مصلحتهم معاك هيتخلصوا منك لانك بقيت كارت شحن تم استهلاكة
***************************
من عاش لنفسه مات وليس حوله غيرها

الوداع يارفح


الوداع يا أحلى بقاع الارض .. الوداع يا أرض الخير والبركة والعز "اللهم عليك بمن حرمنا لذة وصالها وطيب مقامها " الوداع يارفح
****************************
مطلوب بشكل عاجل زير كبير مقاس 200 لتر لكسرة ورا 2017 داهية لا ترجعها سنة زحل كان فاضل لها زنقتين وتبقى عام الرمادة
****************************
بدون برنامج واضح للدولة يهتم بتعليم حقيقي قائم على الاكتشاف والتجريب والتحليل والتفكير والفهم والإبداع سنظل احنا والعذاب وخط الفقر عايشين لبعضينا
****************************
‏وزير التعليم العالي: "مصر تأخرت 50 عاما في اقتحام مجال الفضاء "
(هههههههههه (؟؟!! والله الفضاء بيعمل اكتر من كده
****************************
اذا اردت ان تعرف ما مدى وضاعة أخلاق شخص ما أو نبله الامر بسيط  ..فقط  امنحه سلطة !!
****************************
إياك ان تعتقد ان هناك علاجا ناجعا لفيروس التطرف اذا لم تحدثني فورا عن كورس مكثف من مضادات الظلم
****************************
بيعجبني جدا شعار " اليأس خيانة" وبحس لما اتأمله ان اللي فننه بطل العالم في ضرب البانجو
****************************
بقول لصديق عزيز مصر ولادة  فقالي اينعم بس بتولد برا قولتله وبتولد جوا كمان بس "قيصري"
****************************
اشتريت النهاردة 3 ربط جرجير بخمسة جنية كل حزمة عشر عيدان بصراحة خفت جدا يجي علينا يوم نترحم فيه على زمن السبانخ الجميل
****************************
المكان الذى يستطيع أهله التفكير والتصرف فيه بمنتهى الحرية والامان هو المكان الذى يحظى بأقصى درجات الانتماء المنشود
****************************
استحالة ان تجد من يحبك دون سبب لكنك ستجد العشرات يكرهونك دون سبب وكأننا نحمل قلوبا خبيثة لا تترعرع الا بالكراهية
****************************
الزارعون على خير حتى ولو كانت تقاويهم مغشوشة
****************************
احب اوجه كلمة لإخواننا المتفائلين بتوع شعار الحياة الحقيقية تبدأ بعد الاربعين

"سعيكم مشكور"

الشدايد غرابيل

عينى على الشدايد غرابيل
غرابيل تحط وغرابيل تشيل
غرابيل تبين خفيف من تقيل
تشنكل هاموشة تزحلق فيل
تصنف حبايبك كريم و بخيل
وتفضح قصير عامل طويل
تجنب جنابك مصاحبة عويل
مقضيها فشر وهرى هزيل
يحورعليك الحوار الطويل
وبريال مصالح يسيبك قتيل
وكبدك يعانى مايقدر يشيل
خلايق تعلك يامخلوق عليل
وهى الخلايق إيه؟ ياجميل
يا 
معدن كسريا معدن أصيل
تراب مع طين محنى ذليل
ومرقة جدوده عكارة نيل

د.وائل موسى غيث

الوردات وشذاها



من شده انبهارى بالتخطيط فى بلدنا الإعجازي هذه  تأملت مليا في دلالة وموسيقى الكلمة طخ طيط .. طخ طيط ..طيط.. طيط ؟!!
*************************************
صراع الاخيار والاشرار محسوم من قبل واضع الميزان لكن حين يتصارع الاشرار مع الاشرار ينحاز النجاح تلقائيا لمن يحسن ادارة المعركة
************************************
سنسقط كلنا فى يوم ما الى قاع الجحيم نتيجة للاستسهال واللامبالاة وانعدام الكفاءة وانقراض الذكاء وعبادة السبوبة
***********************************
أن كان ع النكد .. أى خبوء ممكن يستخلصهولك من بذر العنب انما الرك ع السعادة لأن ماحدش يقدر يزرع البسمة على خلقتك المشلفطة الا شخص سكن سويداء فؤادك
**********************************
الارواح لها ملاح كالوجوه بالضبط لكنها تختلف في انها لا تهرم ولاتشيخ ولاتقبل ان تطلى كذبا بمساحيق أو أصباغ
*********************************
يكتفى الاجاويد بلذة عطائهم ولايهمهم أبدا أين أستقر هذا العطاء ؟؟
فإذا صادف عرفانا فبها ونعم وإذا صادف غير ذلك فلا يضير الوردات شذاها
*******************************
اوعاك تفتكر ان النقر و الحفر اللى بتظهر فى طريقك دى جت بالصدفه ؟؟
دور كويس فى سجلاتك انت ظلمت مين وكسرت خاطر مين ؟!!
******************************
نصف ادارة .. نصف فهم .. نصف حقيقة .. نصف حرية ..نصف انصاف..نصف علاج..نصف تعاون..نصف رقابة .. وابقى قابلني بقا لو انت مستنى تعيش فى اوطان منصوفة الرقبة ؟!!
******************************
ياسلام لو الشعب المكافح بتاعنا ينتقل من تشجيع عبدالحليم حافظ الى تشجيع عبدالحليم فاهم كنا اتنصفنا من زمن
*****************************
اى حد فى البلد دى يقولك انا اخدت القرار ده بوازع من ضميري ودون اى غرض قوله اديك في السقف تمحر !!!؟؟
****************************
العقل بيقول جربت طريقتك سنين طويلة علشان تعالج مشكلة استفحلت اكتر شوف غيرها بقى اواستعين بصديق او خد رأى الجمهور او ارحم اللى جابونا وسمعنا بودعك
***************************
الحمد لله ان ربنا بيجازى على المعروف حتى اللى بالنية لانك لو استنيت الانصاف من البشر هتستنى لما يحمر الرطب ؟!!
**************************
الكوسة حلوة بتريح القولون بس لما تزيد قوى بتبقي سبب اصيل فى غممان نفس المجتمع كله
***************************
هناك على سطح الارض اكتر من اربعة الاف ديانه مختلفة اولها المصالح وآخرها السبوبة واتباع هاتين الديانتين للأسف هم السواد الاعظم من البشر وياسواد بختك يا اللى مستنى منهم نصفه
***************************
إذا استفزك الآخرون بشدة إيمانهم بمبادئهم العرجاء فلا أقل من أن تنتصر
أنت لمبادئك الراسخة على قدمين

تخاريف بقلم

د.وائل موسى غيث

رسالة الى صديقى الأنانى !!


اللى شاريك بجد هيعاملك باللى يعرفه عنك ويقبلك بكل سجاياك وصفاتك انما اللى نفسه كبيرة و مابيشوفش غيرها بيبقى عايز يبرمجك على مزاجة لانه بيشوف الناس كلها اتخلقت بس علشان توصلة لاهدافه ورغباته دون اى حق لهم فى ان يكونوا انفسهم على الرغم من استفادته شخصيا مئات المرات من صفاتهم النبيلة المميزة تلك
*****************
لما تزنق حد انانى وتواجهة بعيوبه لا يمكن هيقولك انا غلطان ولازم اتغير وكده ؟!!
هيبدأ على طول يدخل معاك فى جدل بيزنطى عقيم حول ما تحمله انتقاداتك من اهانات هو مش مستحمل يسمع حرف واحد زياده منها وينتهى الحوار بخناقة وتفضل العلة والخالة على نفس الحالة
*****************
اللى مايعرفش قيمة ابوه يستحق اليتم وهيعرفها لما مصيرة مايفرقش مع حد وهيعرف قيمة توبيخة له على غلطاته لما هتبقى الغلطات دى جزء منه واللى مايعرفش قيمة استاذة يستحق الجهل واللى مايعرفش قيمة الخل الوفى يستحق الخل الخاين واللى مايعرفش قيمة الشجرة اللى بتضلل عليه يستحق يتحرم منها واللى شايف نفسه كبر لوحده من غير مساعدة هيجى يوم يبكى على ايد مخلصة تتمدله فى وقت شدته ومش هيلاقيها
****************
مشكلة الانانى هى تعظيمة البالغ لذاته فلا يستوعب مطلقا ما يتجشمه الاخرين ممن يحملون همه من عناء وتضحيات للإعلاء قدرة وذكره وكيف له يستوعب ذلك وهو منغلق على حدود ذاته حيث تبدأ رؤيته من عنده وتنتهى ايضا عنده
***************
ورسالة اخيرة
لما تقارن -عزيزى الأنانى- بين الشخص حلو اللسان قليل الإحسان والشخص اللى بكاك علشان باكى عليك وتستحسن النوع الاول وتشوفه فلة وشمعة منورة يبقى انت اعمى قلب وتستحق الدعوة المخلصة إياها روح ياشيخ ربنا مايحرمك ابدا من حلوين اللسان قليلين الاحسان ولا يحرمك من خوازيقهم المغرية ؟!!!

هوامش من دفتر شعر البداوة



يا حمام الحرم بلغ سلامى
للى هدانا بخير الأنام
اسامى مرقت وخلت اسامى
يرجون شفاعته يوم الزحام
*************************************
يازارع الورد فى السبخات
طول صبرك ليوم القيامة
ما ينحصد ثوم من الوردات
ولايستر الندل ثوب القيامة
*************************************
العين شوافه والرزق ما ينحاش
واللى يصون الود لاتنشد فراقة
واللى بلا أب ميت وان عاش
واللى بلا أم ما تبرد اشواقه
************************************
ولو صاحبت صاحب قلب طيب
كريم الاصل خالى م الخساسة
ف يوم ما تميل عثراتك يطيب
سبع مأصل ماله فى السياسة
***********************************
يا سابل الستر ومراعى الغريب
يا خالق القلب وفى يدك ميزانه
من غيرك يبدل العاصى حبيب
من غيرك يرد العبد فى أوانه
**********************************
ياللى ابتليت بالندل ماتعاتبوش
واوعاك فى يوم تحسب حسابه
زى الملح ع الجرح مرشوش
حضوره فى الحى يشبه غيابه
*********************************
تاريها ليالى حزينة
الكل ع الغدر ناوى
الخله عاملة سمينة
والندل عامل مخاوى
*******************************
يا مستقل بقيمة الالماظ
وشاغل نفسك ببرادة حديد
شيوخ قبلك درسوا وعاظ
ما ينفع العلم فى مخ البليد

أبيات نبطية من نظم  
د. وائل موسى غيث

السبوبه غائبه لعن الله من حضرها وسنترها ودورها وصدرها


عندنا شباب زى الورد بس الاسطورة بتقول ان اختيار وزير _ ممن يستطعون التبول دون حرقان _ ذنب عظيم يلقى بصاحبه بلا شك فى قعر الجحيم ليمكث فيها الى ان يحمر الرطب او يزهر القصب
*************************************
لا يمكن ان تتساوى الهمبكة مع الانجاز الحقيقى الا فى عيون تعشى بالنهار والعشى هنا يتأتى من طريقين اما عين كسر ..او .. كسر عين ؟؟!!
************************************
مع انهم مورفولوجيا اكثر من الهم ع القلب لكن بالامانه اللى يعرف طريق راجل بجد يدلنى عليه وله منى فلاشة 16 جيجا ادعية دينيه
***********************************
مصر دى شجرة كبيرة طراحة مضللة على الكل المشكلة بقى فى ولادها اللى كل واحد فيهم ماسك فاس وبيقطع فى جدورها علشان يولع ويعمل كوباية شاى ويرص كرسى معسل ؟؟!!!!
**********************************
الأوقاف: قوافل لنشر الدعوة «المستنيرة» في الوديان الجبلية بجنوب سيناء ….. يذكرنى هذا الخبر الجلل بواحد ضاع منه فلوس فى شارع ضلمة راح يدور عليها تحت عامود النور فى شارع تانى ؟؟؟؟!!!!!!!
*********************************
خطاويك فى الخير بتعلى مقامك
ومهما قصرت هى الخطاوى الطويلة
خطاويك فى الشر هتدغدغ عظامك  
مفضوحة اللعينة ولو فى تياب الفضيلة
*******************************
بصراحة متفهم جدا ليه شعوب العالم الثالث البائسة لازم تستهلك هذا الكم الرهيب من المخدرات بكل اشكالها وحركاتها وتكاتها.. لان هذة الخلايق -يا حبة قلبى- لو ادركت الواقع ؟؟!! لانفجرت
******************************
كلنا يدعوا الله فى صلاته  .. اهدنا الصراط المستقيم ..  وعند التطبيق العملى يفضل اغلبنا سكه ابوزيد اللى كلها مسالك
******************************
اجتهد جديا ان احافظ على شعرة معاوية تربط بينى وبين بعض البشر السقيم وان كنت اعتقد ان ولا زعافة شعر المرحوم بوب مارلى بشروشها ممكن تحوق مع سماجة ابوهم
*****************************
مش اسلوب ابدا انك لما تحب تربى اولادك وتعدل سلوكهم انك تجيب خرزانة وتدور فيهم الطحن عمال على بطال لازم هتحتاج تتكلم معاهم شوية حتى ولو فى البريك بين كل علقة وعلقة ؟؟!!
****************************
لست مضطرا لان تتبنى نظرية ان كل ما يحدث لنا من كوارث خلفه طابور طويل من الخائنين المأجورين العملاء فالامر ابسط من ذلك..لأنك لو دققت النظر اليهم جيدا سترى ان اذانهم طويلة جدا على ان يكونوا عملاء ؟؟!!
***************************
اغانى المهرجانات - اوكا واورتيجا ستايل - تدفع الانسان دفعا للاستغراق فى نوبات حنين الى الماضى ...لكنها هنا قد تكون اكثر من اللازم فتدفع بك الى حدود البدايات والنشوء حيث اصل الانسان...قرد ؟؟!!!!!
**************************
اميل جدا لتصديق نظرية الناس معادن ومن المعروف ان المعادن النفيسة بالغة الندرة فالالماس لايقارن بالصفيح المصدى اللى هيطفح فى شوارع مصر والسؤال للاذكياء هنا كيف يمكن لنا اعادة تدوير هذه المخلفات وتحويلها لشىء مفيد حتى ولو صفايح زبالة ؟؟؟!!
***************************
بقول لواحد صاحبى الراجل ده هيموت ويطول أى منصب فقالى ده ماسموش حب للكرسى ده اسمه شبق للكرسى قولتلة فعلا الراجل ده من يومه عنده شبق وبقدونس !!!

تخاريف بقلم د.وائل موسى غيث