يا حمام الحرم بلغ سلامى
للى هدانا بخير الأنام
اسامى مرقت وخلت اسامى
يرجون شفاعته يوم الزحام
*************************************
يازارع الورد فى السبخات
طول صبرك ليوم القيامة
ما ينحصد ثوم من الوردات
ولايستر الندل ثوب القيامة
*************************************
العين شوافه والرزق ما ينحاش
واللى يصون الود لاتنشد فراقة
واللى بلا أب ميت وان عاش
واللى بلا أم ما تبرد اشواقه
************************************
ولو صاحبت صاحب قلب طيب
كريم الاصل خالى م الخساسة
ف يوم ما تميل عثراتك يطيب
سبع مأصل ماله فى السياسة
***********************************
يا سابل الستر ومراعى الغريب
يا خالق القلب وفى يدك ميزانه
من غيرك يبدل العاصى حبيب
من غيرك يرد العبد فى أوانه
**********************************
ياللى ابتليت بالندل ماتعاتبوش
واوعاك فى يوم تحسب حسابه
زى الملح ع الجرح مرشوش
حضوره فى الحى يشبه غيابه
*********************************
تاريها ليالى حزينة
الكل ع الغدر ناوى
الخله عاملة سمينة
والندل عامل مخاوى
*******************************
يا مستقل بقيمة الالماظ
وشاغل نفسك ببرادة حديد
شيوخ قبلك درسوا وعاظ
ما ينفع العلم فى مخ البليد
أبيات نبطية من نظم
د. وائل موسى غيث
هناك تعليقان (2):
رائع دكتور وائل، كلمات من مستهل الحكمة ونقاء النفس ... متعكم الله بموفور الصحة والعافية اخي الفاضل
مرور كريم من اخ كريم ادام الله عليكم روح الود وراحة البال
إرسال تعليق