أنا قـلبي كان شخشيخة أصـبح جـرس
جلجلت بـه صـحيوا الخـدم والحـرس
أنـا المـهرج.. قمتو ليـه خفتو ليـه
لاف إيدي سـيف ولا تحت مـني فـرس
عـجبي!!
بلياتشـو قال إيـه بس فايدة فنوني؟
وتلات وقق مسـاحـيق بيلـونـوني
والطـبل والزمـامـير وكتر الجـعير
إذاكان جنون زبوني زاد عن جنوني
عـجبى!!
بين موت وموت.. بين النـيران والنيران
ع الحبـل ماشـيين الشـجاع والجبـان
عجبى على دي حيـاة.. ويـا للعــجب
إزاى أنـا – يـاتخين – بقيت بهـلوان
عـجبى!!
أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام
عجبي!!!!
قالوا السياسة مهلكة بشكل عـــــــــــام
و بحورها يا بني خشنة مش ريش نعام
غوص فيها تلقي الغرقانين كلهــــــــــم
شايلين غنايم .. و الخفيف اللي عـــــام
عجبي!!!
بحـر الحياة مليـان بـغرقـى الـحياة
صـرخت خش الـمـوج في حلقي ملاه
قارب نجـاه !. . صـرخت قالوا مفيش
غير بـس هو الـحب قـارب نـجـاه
عـجبي !!
الأرض شـوك أيـوه لكـن هايش
والحمـرة مش يعني الطريق حايش
دى دمنـا السـيال.. وبشـرة خير
أن أنتي عايشـه.. وأن أناعايش
عـجبي !
إقلـع غمـاك يـا تـور وارفض تلـف
إكسـر تـروس السـاقيـة واشـتم وتف
قال: بس خطوة كمان.. وخطوة كمان..
يا أوصـل نهـاية السـكة يا البير يجف
عـجبي !!
أنا كـل يـوم أسـمع.. فلان عذبوه
أسـرح فـي بغـداد والجزاير واتوه
مـا اعجبش م اللي يطيق بجسمه العـذاب
واعـجـب مـن اللي يـطـيق يعذب أخوه
عـجبي !!
أنا الذي عمـري اشـتياق في اشـتياق
وقطـر داخـل فـي محطـة فــراق
قصـدت نبـع السـم وشـربت سـم
مـن كتر شـوقي وعشـمي في الترياق
عـجبي !!
أنا اللي بالأمــر المحــال اغتـوى
شـفت القمـر نطـيت لفوق في الهوا
طـلته مـا طـلتوش إيه أنـا يهمنـي
وليـه.. ما دام بالنشـوة قلبـي ارتوى
عـجبي !!
أنا قلبـي كـورة.. والفـراودة أكـم
يـامـا اتنطـح وانشـاط.. وياما اتعكم
واقـول له كـل ح ينتهي في المعـاد
يقـول بسـاعتك ؟ والا سـاعة الحكم ؟
عـجبي !!
أنا قلبي كـوكب وانطلق في المـدار
حواليـكي يا محـبوبتي يا نور ونار
يلف مـهمـا يـلف مـابيكـتفيش
وتمـللي نصـه ليل ونصـه نـهار
عـجبي !!
إيش تـطلبي يـا نفسـي فـوق كـل ده
حظــك بيضــحك وانـتي متنكـدة
ردت قـالت لـي النفس : قـول للبشـر
مـا يبصـوليش بعيـون حـزينـة كـده
عـجبي !!
يا باب يا مقفول ... إمتي الدخول
صبرت ياما و اللي يصبر ينول
دقيت سنين ... و الرد يرجع لي : مين ؟
لو كنت عارف مين أنا كنت أقول
عجبي !!!
أحب أعيش ولو في الغابات
أصحي كما ولدتني أمي و ابات
طائر .. حوان.. حشرة .. بشر ..بس أعيش
محلا الحياة.. حتي في هيئة نبات
عجبي !!
ليه يا حبيبتي ما بيننا دايما سفر
ده البعد ذنب كبير لا يغتفر
ليه يا حبيبتي ما بيننا دايما بحور
أعدي بحر ألاقي غيره اتحفر
عجبي !!!
تسلم يا غصن الخوخ يا عود الحطـــــــــب
بييجي الربيع .. تطلـــــــــــع زهورك عجب
و انا ليه بيمضـــــــــــي ربيع وييجي ربيع
و لسه برضك قلــــــــــــــــــبي حتة خشب
عجبي !!!
غمست سنك في السواد يا قلـــــــــــــــم
عشان ما تكتب شعر يقطر ألــــــــــــــــم
مالك جرالك إيه يا مجنون ... و ليــــــــه
رسمت ورده وبيت و قلب و علـــــــــــم
عجبي !!!
غمض عينيك و ارقص بخفة و دلع
الدنيا هي الشابة و انت الــــــــجدع
تشوف رشاقة خطوتك تعبــــــــدك
لكن انت لو بصيت لرجليك ....تـقع
عجبي !!!
ولدي إليك بدل البالون ميت بالــــــون
انفخ وطرقع فيه علي كل لـــــــــــون
عساك تشوف بعينك مصيرالرجــــــال
المنفوخين في السترة و البنطلـــــون
عجبي !!!
يا عندليب ما تخافش من غنوتك
قول شكوتك و احكي علي بلوتك
الغنوه مش ح تموتك إنمــــــــــا
كتم الغنا هو اللي ح يموتــــــــك
عجبي !!!
لولا اختلاف الرأي يا محـــــترم
لولا الزلطتين ما لوقود انضرم
و لولا فرعين ليف سوا مخاليف
كان بيننا حبل الود كيف اتبرم ؟
عجبي !!!!
عيد و العيال اتنططوا ع القبـــــــور
لعبوا استغمايه .. و لعبوا بابــــــور
و باللونات و نايلونات شفتشـــــــي
و الحزن ح يروح فين جنب السرور
عجبي !!
علم اللوع اضخم كتـــــــــاب في الأرض
بس اللي يغلط فيه يجيـــــــــبــه الأرض
أما الصراحة فأمرها ســـــــــــــــــاهل
لكن لا تجلب المال و لا تصون العرض
عجبي !!!
جلجلت بـه صـحيوا الخـدم والحـرس
أنـا المـهرج.. قمتو ليـه خفتو ليـه
لاف إيدي سـيف ولا تحت مـني فـرس
عـجبي!!
بلياتشـو قال إيـه بس فايدة فنوني؟
وتلات وقق مسـاحـيق بيلـونـوني
والطـبل والزمـامـير وكتر الجـعير
إذاكان جنون زبوني زاد عن جنوني
عـجبى!!
بين موت وموت.. بين النـيران والنيران
ع الحبـل ماشـيين الشـجاع والجبـان
عجبى على دي حيـاة.. ويـا للعــجب
إزاى أنـا – يـاتخين – بقيت بهـلوان
عـجبى!!
أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام
عجبي!!!!
قالوا السياسة مهلكة بشكل عـــــــــــام
و بحورها يا بني خشنة مش ريش نعام
غوص فيها تلقي الغرقانين كلهــــــــــم
شايلين غنايم .. و الخفيف اللي عـــــام
عجبي!!!
بحـر الحياة مليـان بـغرقـى الـحياة
صـرخت خش الـمـوج في حلقي ملاه
قارب نجـاه !. . صـرخت قالوا مفيش
غير بـس هو الـحب قـارب نـجـاه
عـجبي !!
الأرض شـوك أيـوه لكـن هايش
والحمـرة مش يعني الطريق حايش
دى دمنـا السـيال.. وبشـرة خير
أن أنتي عايشـه.. وأن أناعايش
عـجبي !
إقلـع غمـاك يـا تـور وارفض تلـف
إكسـر تـروس السـاقيـة واشـتم وتف
قال: بس خطوة كمان.. وخطوة كمان..
يا أوصـل نهـاية السـكة يا البير يجف
عـجبي !!
أنا كـل يـوم أسـمع.. فلان عذبوه
أسـرح فـي بغـداد والجزاير واتوه
مـا اعجبش م اللي يطيق بجسمه العـذاب
واعـجـب مـن اللي يـطـيق يعذب أخوه
عـجبي !!
أنا الذي عمـري اشـتياق في اشـتياق
وقطـر داخـل فـي محطـة فــراق
قصـدت نبـع السـم وشـربت سـم
مـن كتر شـوقي وعشـمي في الترياق
عـجبي !!
أنا اللي بالأمــر المحــال اغتـوى
شـفت القمـر نطـيت لفوق في الهوا
طـلته مـا طـلتوش إيه أنـا يهمنـي
وليـه.. ما دام بالنشـوة قلبـي ارتوى
عـجبي !!
أنا قلبـي كـورة.. والفـراودة أكـم
يـامـا اتنطـح وانشـاط.. وياما اتعكم
واقـول له كـل ح ينتهي في المعـاد
يقـول بسـاعتك ؟ والا سـاعة الحكم ؟
عـجبي !!
أنا قلبي كـوكب وانطلق في المـدار
حواليـكي يا محـبوبتي يا نور ونار
يلف مـهمـا يـلف مـابيكـتفيش
وتمـللي نصـه ليل ونصـه نـهار
عـجبي !!
إيش تـطلبي يـا نفسـي فـوق كـل ده
حظــك بيضــحك وانـتي متنكـدة
ردت قـالت لـي النفس : قـول للبشـر
مـا يبصـوليش بعيـون حـزينـة كـده
عـجبي !!
يا باب يا مقفول ... إمتي الدخول
صبرت ياما و اللي يصبر ينول
دقيت سنين ... و الرد يرجع لي : مين ؟
لو كنت عارف مين أنا كنت أقول
عجبي !!!
أحب أعيش ولو في الغابات
أصحي كما ولدتني أمي و ابات
طائر .. حوان.. حشرة .. بشر ..بس أعيش
محلا الحياة.. حتي في هيئة نبات
عجبي !!
ليه يا حبيبتي ما بيننا دايما سفر
ده البعد ذنب كبير لا يغتفر
ليه يا حبيبتي ما بيننا دايما بحور
أعدي بحر ألاقي غيره اتحفر
عجبي !!!
تسلم يا غصن الخوخ يا عود الحطـــــــــب
بييجي الربيع .. تطلـــــــــــع زهورك عجب
و انا ليه بيمضـــــــــــي ربيع وييجي ربيع
و لسه برضك قلــــــــــــــــــبي حتة خشب
عجبي !!!
غمست سنك في السواد يا قلـــــــــــــــم
عشان ما تكتب شعر يقطر ألــــــــــــــــم
مالك جرالك إيه يا مجنون ... و ليــــــــه
رسمت ورده وبيت و قلب و علـــــــــــم
عجبي !!!
غمض عينيك و ارقص بخفة و دلع
الدنيا هي الشابة و انت الــــــــجدع
تشوف رشاقة خطوتك تعبــــــــدك
لكن انت لو بصيت لرجليك ....تـقع
عجبي !!!
ولدي إليك بدل البالون ميت بالــــــون
انفخ وطرقع فيه علي كل لـــــــــــون
عساك تشوف بعينك مصيرالرجــــــال
المنفوخين في السترة و البنطلـــــون
عجبي !!!
يا عندليب ما تخافش من غنوتك
قول شكوتك و احكي علي بلوتك
الغنوه مش ح تموتك إنمــــــــــا
كتم الغنا هو اللي ح يموتــــــــك
عجبي !!!
لولا اختلاف الرأي يا محـــــترم
لولا الزلطتين ما لوقود انضرم
و لولا فرعين ليف سوا مخاليف
كان بيننا حبل الود كيف اتبرم ؟
عجبي !!!!
عيد و العيال اتنططوا ع القبـــــــور
لعبوا استغمايه .. و لعبوا بابــــــور
و باللونات و نايلونات شفتشـــــــي
و الحزن ح يروح فين جنب السرور
عجبي !!
علم اللوع اضخم كتـــــــــاب في الأرض
بس اللي يغلط فيه يجيـــــــــبــه الأرض
أما الصراحة فأمرها ســـــــــــــــــاهل
لكن لا تجلب المال و لا تصون العرض
عجبي !!!
ليست هناك تعليقات:
إرسال تعليق